Ala Hazrat

Daf'atan zahen me ehteraam agaya
Ala Hazarth ka lab par jo naam agaya

Kya arab kya ajam sab ke sab keh uthay
Ahle Sunnat ka dekho Imam agaya

Yeh hai ehsaan-e-Ahmed Raza sunniyo
Hum ko padhna Darood o Salaam agaya

Najdiyat munh ko apne chupane lagi
Ru ba ru jab Raza ka Kalaam agaya

Hashr me dekh kar mujh ko rizwaan kahe
Dekho Dekho Raza ka ghulaam agaya

Manqabat Naat likhna tufail-e-Raza
Tere Hisse me khalid yeh kaam agaya

Posted in: Manqabat